Со голема чест и радост го одбележавме Денот на нашето училиште ООУ „Ацо Шопов“, под мотото „Од небиднина до дигитална иднина“.
Овој ден беше потсетник на патот што го поминавме – од предизвиците и почетоците, до современото образование исполнето со нови технологии, знаење и можности. Горди сме на нашето минато, но уште повеќе инспирирани да чекориме кон иднината.
Особена благодарност до сите ученици кои учествуваа во програмата. Со својата посветеност, талент и искреност создадоа незаборавна атмосфера, а емоциите што ги споделивме на самиот крај беа доказ колку љубов и труд беше вложен во секој момент.
Нека ова мото ни биде водилка и понатаму – да продолжиме да градиме мост помеѓу традицијата и современото, со поглед насочен кон дигиталната иднина.
